ممنوع على العشاق

لا تلم قاتلا ولم هذا العاشق

نشكيلك ياخالقي وانت المعين
بجاه الرسول والنبي طاها
نحكيلك عن حالتي راني حزين
واش يصبر خاطري حتى نلقاها
.....******......
راه عجبني كاس ملون تلوين
في وسطو وردة قلبي بغاها
ماهوش مصنوع من التراب والطين
ذا ملمس مرجان وحرير غطاها
....*****.....
غير العين وحدها تسوى الفين
من كنوز العربان وزيد حذاها
والاشفار السود تحسبهم سكين
سيف ذهبي كان كاسبو باباها
....*****....
والرقبة بلار زادتني تمكين
طار القلب وبات ساكن في هواها
دقلة نور معلقة فوق عراجين
والا حليب نياق من الصحراء جاها
....*****.....
غير الماء ارويها من العين
واذا كنت عطشان اشرب من ماها
ترجع مثل الصبي ما وصلش العشرين
يتنعم بصباه والموت نســــــــــــــــاها
.......******........
ماتعشقش العصفور اللي في قفصو سجين
والحراس عليه كية ما اعتاها
اعشق الطير الحر يعرف يغدا وين
كي تطلع للسماء يطلع لسماها.
............................
******نجمة*******
ومازال في جعبتي الكثير
فانتضروني