سلام الله عليكم
اريد ان تشاركوني في موضوع انا حساسة جدا فيه يتعلق بامور تحدث في مجتمعنا لا يستطيع عقل البشر تحملها وهو العلاقات الغير شرعية والزنى لي صارت امور عادية حتى عند الصغار
رانا كل يوم نلاحظوا فواحش تصرى فمثلا عندنا في الثانوية على الساعة 10و3 يعني اوقات الراحة
لما تجي لطابق الاخير لي ندرسوا فيه حنا اصحاب الباكالوريا تلقى كل ابواب الاقسم مغلقة والقسم لي تطل عليه تقلى بنت مع شاب ويحطوا برا كاش واحد يعسهم ويخبرهم اذا جاء مراقب انا لحاجة لي تحيرني هو انهم يخافوا من لعباد وخاصة الطفلة ومايخافوش من ربي لي راه يشوف فيهم .
حبيت نقدم نصيحة لشباب باش متغرهمش الشهوات نتاعهم والمعروف في المجتمع نتاعنا هو انوا نقولوا بانوا الشاب هو لي راه يخدع في الطفلة ولكن لوكان نجيو نخمموا بطريقة واقعية نلقاو العكس يعني البناة لي راهم يخدعوا في الشباب لانوا البنت اذا باعت شرفها تأكدوا بلي راهي متيقنة بواش راهي تعمل والضحية هو الشاب حتى في القران الكريم ربي ذكر الزانية ثم ذكر الزاني ولهاذا انا نقول لشباب كونوا كيما سيدنا يوسف لي رفض مرأة كانت مسعدة تلبي كل شهواته
وتأكدوا ان البنت لي تبيعلك شرفها بارخص الاثمان ماتستاهلش حتى انك تخزر فيها
انا من خلال حديثي هذا كنت قاسية مع الفتاة لانوا تستطيع التحكم في شهواتها اكثر من الشباب .
واريد ان اطلب من الناس لي راهم يديروا في هذه الفواحش انهم مايبروش افعال بالحب لان الحب حاجة شريفة ويكفي تدنيسا لهذي الكلمة العضيمة فياريت كنا نعرف قيمة هذي الكلمة
فلاعلاقة للحب بهذه الفواحش
ايضا نقوللهم لاداعي باش تتخباو كي تبيعوا شرفكم لانوا الوحيد لي راح يعاقبكم هو ربي سبحانوا
واخيرا ربي يهديكم ويهدينا كامل انا دعائي لي مستحيل ننساه هو انوا قبل مانرقد ندعي ربي سبحانة باش مانغلطش لانوا انا ايضا من البشر والبشر خطاؤون واحسنهم التوابين ومادام الانسان مازالوا عايش فابواب التوبة مفتوحة له .
علابالي بلي كثرت الهدرة ولكن موضوع كان عقدة في صدري وقدرت نخرجوا رغم انوا الحديث عن هذا الموضوع مازالوا طويل بالنسبة لي
الان حبيت نطلب منكم بعد ما قريتوا واش كتبت تقولولي رايكم لانوا رايكم مهم بالنسبة لي واذا كان هنالك شيء انا راني غالطة فيه وطريقة تفكيري خاطئة تفيدوني بيه
مع كامل احترامي لكم احبائي وربي يحميكم كامل ويحمي جميع الؤمنين ويحفظلنا المنتدى امين يارب
