...........................
راحت امي اتصلت على فارس وقامت تتهاوش معه وتسبه وتدعي عليه .. وهو بعد طول صوته على امي .. وصارت بينهم مشاده كلاميه ..
امي: قلت لك يافريس بنتي ماتركب على راسهاا مره
فارس: عاد يام ناصر ركبت عليها وخلصت
امي: انا قلت لك يا فارس يابنتي يا اصايل بنت عمك
فارس: بعد سكوت :اجل خلي بنتك عندك
امي: ابركهاا ساعه ماعاد نبي لك قرب
فارس: ورقت بنت بتوصلهاا بكرى
امي: تسكر التلفون بعصبيه
انا ماكنت ابي اتطلق راضيه اني اقعد عنده لو ياخذ علي عشر وماشوفه غير يوم بالاسبوع .. بس الوالده الله يهديها ركبت راسهاا ..
انا عقب السالفه تغيرت ميه وثمانين درجه ماعاد اضحك لا استعبط بس ساكته ولا سرحانه ..
وان ضحكت اضحك ضحكه مصطنعه مو من قلب .. والهم كاسيني صرت مطلقه بفعل الوالده كنت كل يوم اقول ليتني ما جيت لمي وشكيت لهاا كان هاللحين انا مرت فارس ..
انا جالسه بالغرفه واغني وعيوني تدمع دموعن شخاتير ونبي عهد تلطم وعذاري لابسه اسود من الحزن ..؟..
انا واغني بحزن
** شوفته ياناس ابيهاا .. وبحياتي اشتريهاا .. اشهد اني رحت فيهاا .. ياهلي جيبوه ليه
ردوو الغالي عليه
عالجوني عالجوني ياهلي لا تتركوني .. صاحبي فارق عيوني ..
ردوو الغالي عليه
قمت اهذري بالحبيب .. ليته جنبي قريب .. اعرفه له قلب طيب .. مايخليني كذيه
ردوو الغالي عليه
عالجوني ياهلي لا تتركوني .. صاحبي فارق عيوني
وردوو الغالي عليه.. **
.................................
مرت اربع شهورمن تطلقت .. وانا اكرف بالبيت وامي تصبحني بكلمه وتمسيني بكلمه..
انا وكنت جالسه اخم الحوش .. ولا امي داخله علي .
امي: أي هذي سواتك يالرفله خليتي رجالك ياخذ عليك مالوه يوم ياخذ عليك
انا: لاحول الا بالله
امي: أي أي اقعدي هنا الطمي وخلي رجالك مستانس وهو عقب باكر عرسه
انا: استغفر الله .. وانا جالسه اخم الحوش
امي: خبزن خبزتيه يالرفله اكليه
كنت بلحظتهاا ودي اصرخ بوجهه امي واقول كل منك انتي اللي طلقتيني منه انتي اللي جبرتيه .. بس فضلت السكوت واني اكمل شغلي ..
راحت امي عني عقب ماصبحت علي ..
انا .. من القهر .. قمت اقحص بالمكنسه : أووووووووووووه << دف ألا انا داعمه الباب
بيني وبينكم انا هلحين تعودت فراق فارس صحيح اني احبه بس وش اسوي ..
يقولون : من عافنااا عفناااااااه حتى ولو كان غالي
رجعت لي الذاكره شوي قمت انكت واستعبط واهوجن وابشركم رجعت اقصد وارقص ..
ورجعت كم كيلو نقصته من هالاربع شهور ..
............
عهد .. تدخل وكرشها متر قدامهاا : يا عذيب
انا .. اركض لها : هااااااااااااااه
عهد: تكفين جيبي لاغراض من الحوش ..
انا: وش شاريه
عهد: كاكاوات << تقولها بصوت تغريني فيه
وانا للي اروح لكم اركض ولا ركض عجوز على توزيع البلعه ..
انفرشت بالحوش افتش الاكياس .. كنت ناويه اخذ احس شي .. يعني من سبق لبق
وانا افتش وكل ماشفت كاكاوا عجبني دخلته داخل صدري ..
انا: ألله سنيكر << داجه يمال الضعقه اجل السنسكرز صار سنيكر
اوووه ابو حبوب << تقصد m&m
حسيت بأحد يراقبني مدري ليه كش جسمي .. ووقف شعر راسي .. رفعت راسي لفوق طليت ولا اشوف خيال يوخر يوم شافني شفته.. صنمت انا ساعه اطالع منو انا طرى على بالي عزيز اللي دايمن يطل علي من فوق ويبكي على فراقي وده اني ارجع لهم وده مايزعل اخوه ..
رجع مره ثانيه وطل على باله اني رحت او وخرت راسي .. مايدري اني فطينه .. انصدمت يوم شفته والله ان جسمي حبب .. وهو يطالعني ومبتسم واحس بعيونه كلام وده يقوله
انا بكل بساطه لفيت الملفع على راسي وغطيت وجهي .. واخذت الاكياس ودخلت داخل .. مع ان كان ودي اذوب في عيونه ..
سبحان الله قبل كم شهر كنت اجلس عنده والبس كم قصير وافرع عنده وهلحين ماني من محارمه والبس كم طويل ..
جلست مع عهد واهرج لها وتهرج لي ولازم العباطه والخبال اللي فيناا .. وتصدقون ولا كني شفت فارس من شوي .. لني ببساطه ابي انساااه ولا ابي اذكره ..؟..
رقدنا كلنا جميع وكل العاده عهد بصوب وعذاري بصوب بس هالمره عهد عن نفرين يعني انواع الاستبداد والترفس والشخير
انا.. تكفين ياعذاري
عذاري: شنوو
انا: اخنقيهاا ماودي ادخل فيها سجن
عذاري: مسكين رجالها شلون صابر
انا: رجالهاا ألعن منهاا اصلن يتنافسون من احس نغمه
عذاري:هههههههههههههههههههه
انا: ماتسمعين شخير ورعهم خخخخخخخخخخخخ
عذاري:هههههههههههههههههههههههههههه تبين نصحيها
انا: يابنت خليهاا حامل ماعليهاا شرهه
عذاري.. وتلعب بالاب توب
انا: وش تسوين
عذاري: اقرى قصه
انا: اييي على الخير يصبح عليكم
عذاري.. واهله انتم منه
انا:هههههههههههههههههههههههههههه
.....
الصبح طالعه للسطح كنت اشرق الملابس ..
مادريت ولا اسمع احد يغني .
..>> بحبك وحشتيني .. بحبك وانتي نور عيني<< ..
دا وانت مطلع عيني .. بحبك مووت ..
لفيت أد أيه لفيت ..ومالأت غير بحدنك بيت..
وبألك انا حنيت.. بعلوو الصوووت..
وكأن الوأت بعدك واأف مابيمشيش..
وكأنك كنتي معايا ابعتي ومبعدتيش..
في دمي حبيبتي وامي وزي ماكووووون بتدعيش..
..>> بحبك وحشتيني .. بحبك وانتي نور عيني<< ..
دا وانتي مطلعه عيني بحبك موووت
بعدت كنت حعمل ايه مين اختار لاتوب بيديه..
لكن حبك ده مانستهوش وعاش فياا ..
لي اتأسف على الغيبه .. ماغبتيش لحزه وأريبه..
ماحدش عنده كدا طيبه .. وحينيــــــــــــــــــه
وكأن الوأت بعد واأف مابيمشيش..
وكأنك كنتي معايا ابعتي ومبعدتيش..
في دمي حبيبتي وامي وزي ماكوووون بتدعيش..
..>> بحبك وحشتيني .. بحبك وانتي نور عيني<< ..
دا وانتي مطلعه عيني بحبك موووت
انا.. سرحت بالصوت وعرفته في غيره فارس قلبي ويغني لمنو لعروسه الجديده ولا لوحده يكلمهاا بالتلفون .. تسندت على الجداراللي بيننا وبينه ..
فارس .. بشوق : أشتقت لك ياغاليه
انا.. ايه يكلم غاليه ولا مادرى عني ومسويه فيها انه يذكرني < وصفقت نفسي كف
فارس: عذابي اكلمك
انا: تكلمني انا
فارس: وفي احد هنا غيرنا
انا: احسبك تكلم غاليه بالتلفون
فارس:ههههههههههههههههههههههههه انتي الغاليه يا غاليه
انا: ششكرا
فارس: سبحان الله ماتغيرتي
انا: وش اللي يغيرني
فارس.. سكت وبعدها : مو ناويه ترجعين ياقلبي
انا: انا اللي ارجع ولا انت
فارس.. وربي ماعدت مستحمل نفسي عقبك عذبيه ... وربي اني اموووت فيك تكفين ارجعي لي
وربي 4 شهوروانا واقف هنا انطرك بس متى تطلعين علشان اكحل عيوني بشوفك
ماتوقعت اني بفقدت حييل كذا ولا توقعت انك شاغله كل مافيني البيت من غيرك ماينقرب
وربي حياتي مدري وش اقول من عقب
انا... حياتك سلطه
فارس:هههههههههههههههههههههههههههههه
انا: طبعا من كثر الوناسه منسدحه وذايبه بالعسل اول مره احد يقول لي احبك .. كنت ناويه اطلق امي وارجع له ..
فارس: عذبيه وينك
انا.. سكت .. ونزلت رحت تحت ..
فارس: كان ينادي لين تأكد اني رحت .. ضاق صدره حيل ..؟..
نزل تحت .. ولا تلفونه يرن شاف منو ( اصايل)
فارس .. بضيق : ألوو
اصايل: تو الناس ليش توك ترد علي
فارس: كنت مشغول
اصايل: مشغول بمنو وليش نفسك شينه علي
فارس: يابنت خلصي شتبين ماني فاضي لك
اصايل: أي اكيد مو فاضي لي فاضي لهاا
فارس: يحول كم مره قلت لكني طلقتهاا خلاص معاد تعني لي شي
اصايل. وبتدلع : أكيييد
فارس.. أكيد
اصايل: طيب حبيبي تجينا اليوم تتغدى
فارس: يطالع الساعه : يالله جاي
لبس فارس بدله جنز كحلي وبدي اسود ولبس كاب وطلع من البيت وتوه بيركب سيارته ..إلا وانا طاله أصيح على سايقنااا .. منير ..
انا : منير جعلك للعرس عجل شغل السياره
منير: زين ماما لا يسوي جنان
انا: يانعنبوا بس من حطك سايق
منير: ماما ترى مافي ودي
انا: طنيتها لا يولد حقك علي بس عجل البنت تطلق يالله اخلص
عهد.. وعذاري .. ماسكتهاا ..
عهد: عذااااااااااب عذااااااااب ألحقي الولد طاع
انا .. وجلس على ركبي : يالله اخذفي وانا بلقفه
كان فارس بالسياره وميت ضحك على شكلي وانا خايفه وعهد تصيح وعذاري تضحك علينا .. غير اني لابسه عباة جدتي القصيره .. وثوبي البيت اللي خلقه مشمور .. وسروالي البني يعني مال تشحد فيني ..
توكلنا على الله رحنا نولد الهانم والاخ فارس راح لبعلة ..؟..
فارس .. ويدخل البيت .. وطبعا بستقباله اصايل .. بتنورتها الجنز القصيره وبديها الوردي العلاق وشعرها المدرج القصير وجسمها المتناسق مع طولها .. وبياضها الناصع < ماعليها شرهه بنت سوريه
اجل نفسي امي بدويه مردده منين يجيني البياض ..
جلس هو وياها .. بمجلس بروحهم عقب ما تغدوا وجلسوا يسولفون وهم كنهم كناري ..
اصايل: لحظه اجيب لك الكيك اللي انا مسويته
فارس: والله شبعان خليك عندي
اصايل: لا لا لازم تاكله مسويته مخصوص عشانك
طلعت تركض جعلها للكسر وكل بلاوي الدنيا حسافه ماكانت خدامتهم غاسله المطبخ ولا يمديها زالقه وطايحه ومتكسره ويمكن تموت ونفتك من شرها الشريره
..................
فارس .. كان جالس وحاس انه مكتوم .. انا وش مزعلني خذيت البنت اللي اتمناها حلوه ومثقفه ورشيقه وكلن يتمنى يحصل نفسها .. ليش انا مهموم .. انا شبي يارب فرج كربتي ..؟..
تدخل اصايل .. دخلت من باب مافيه قفل وقفل عليها وتموت من الخنقه حسبي عليهاا .
اصايل: احلى كيك لأحلى زوج بالدنياا
فارس: وياخذ صحنه
اصايل: وتدق يده بدلع : لاء انا بوكلك بيدي
وقامت قصت له من الكيكه وحطته بفمه وهي تتدلع << أأه ياقلبي كبدي تحمس حميسه
فارس : ههههه تسلم ايدك ياعذبيه..
اصايل.. وقفت وجلست تطالعه بذهول : أنا اصايل مو عذبيه
فارس.. وينكسح وجهه : أأأسفف
اصايل: وترمي الصحن .. وتطلع غرفتها تبكي
فارس .. فضل انه ينسحب وراح لبيته ..
وهو داخل لحوش بيتهم ولا يسمعني اغني .. وارقص ..
فارس .. أبتسم : الله يديم عليك ..
انا . فرحانه ان عهد جابت ولد وسمته سيف ..قمت اقصد
^^ ياجعل سيف يجي رجال .. يدخل على خالته الاجوديه
يقول خاله تراني حاج .. تولمي كان لـــج نيــــــه
عنده عماره وعشرة اولاد.. وصينيته دوم ممليه
ووظيفته اكبر الضباط .. والله لزوجه بنتي حوريه^^
...........................
عرس فارس اليوم والبنات متجمعات عندي يحاولون يواسوني وانا كنت صج زعلانه بس الحمدلله ..
محيله: وحمص كبدي حمصااه
جوزه: أي والله تكفون هدوني عليهم
خزنه: يابنات وش رايكم روح العرس نخربه عليهم
انا: يحول خليهم يتهنون محدن جابر احد على احد
مريم: لا حنا رفيقاتك ولازم نرد لك اعتبارك
وضحه: بنات قومن ألبسن يالله سريناا للعرس
عهد: يحول خلوهم علامكم صاحبت الشان مبسوطه
عذاري: لا بنروح ونقهرها ونجي .
المراد
البنات راحن للعرس وسوو موقف للعروس خلهاا تمووووووت موووت حره خلوها تبكي بالكوشه ..؟..
+++++++++++++++++++++++++++++++++++
..؟..الجزء الثامن ..؟..
البنات تجمعو وتقاطوا بالفلوس اللي هو نقوط لطقاقه عشان تغني لهم أي اغنيه يبون
طلبو اغنيه وأهدوها من شلة الداشرات إلى العروس ..
وكان الملعب فاضي مايرقص على البست إلا وضحه وخزنه ومحيله ونوير وجوزه وعذاري ومريم .. ويرقصون قدام العروس .. اللي على بالهاا اهداء حلو
والاغنيه ..
بلغ حبيبك وقله باخذك منه .. هذا هو الحل ومالي أي حل ثاني
ماقدر اقعد اشوفك بس واستني .. كل عنك بعيد زود جناني
*******
من يوم شفتك وانا في داخلي ونه .. ولعت قلبي ترى شبيت وجداني
قله ترى موت لو ماتبعد عنه..لازم انا اهواك ولازم انت تهاوني
******
ياليت قلبك عرفك من صغر سنه .. والله لحبك واضمك بين احظاني
حبيب قلبي منعت القلب لكنه.. يبغيك انت ولا يبغى احد ثاني
.........
العروس .. واهل المعرس .. والحظور .. انواع الانصدام والحمدلله ان البنات كانوا منقباات ولا كنت رحت فيهاا ,.,
ربنااا يستـــــــــــــــــــر
...
العروس انهارت .. انهارت عليها شلالات تياقراا .. جعلها ماتربح ألا يوم الاربعاء والخميس
لانها تكون عند اهلهاا ..
.............................
البنات جو عندنا بالبيت وهم منصرعات ضحك ...
جوزه: والله ان بردنا كبدك يالغاليه
انا: ليش وش سويتوا
محيله: وش ماسويناا
نوير: سوينااا علووووووووووووووم
وبدوا كلهم يغنون ويصفقون بلغ حبيبك وقله باخذك منه .. وعهد ترقص وهم .. صفق وتشيش وانا اللي انهبل .. وحبيت راس كل وحده فيهم .. بردوا كبدي عزالله ..
.............
اصايل .. تبكي في شقتهاا :مالي شغل مابيهاا مابيهاا
فارس: شسوي فيها طيب
اصايل: مدري بس مابيهاا عندناا مابيهاا
فارس: وين اروح
اصايل: نروح بيت ثاني
فارس: والله ماني طالع من بيتنا عشان تفاهتك
اصايل: أللحين تفاهتي هااه قول انك تحبهاا قوول
فارس.. وينفجر: أي احبها واموووت فيهاا وصرت معاد اتحملك اكثر
اصايل: ليش تزوجتني ليش
فارس: خبل خبل حسبت الجمال كل شي مدريت انه نقمه ولا في احلى من حلاة النفس وطيبه ولا انتي تسوين ظفر من ظفر عذبيه لانها اكبر من انها تسوي هالسوالف انا اعرفهاا زين ..
اصايل : اكرهههك اكرررههههك
طلع فارس من الشقه وهو حده ظايق خلقه من هالمغروره ..
........
مر شهر على زواج فارس وهو كل يوم هواش وصياح مع الملسونه ..
اخر شي ضاقت فيه الوسيعه .. وراح لمشاري اخوي خويه
فارس: مشاري انا ماعاد اتحمل نفسي
مشاري: ليه وانا اخوك
فارس: خلاص مليت مليت من حياتي
مشاري: ياخوك تعوذ من ابليس كل بيت فيه مشاكل << جعله مايربح يبي يراضيه على حرمته
فارس: انا خلاص عزمت ارجع عذبيه
مشاري: سكت .. هذي الساعه المباركه
فارس: بس تتوقع انها بترجع لي
مشاري: ياخوك والله يشهد ان عذبيه كان ودها تجلس عندك وتاخذ عليها طبينه بس الوالده تعرفها راسها يابس ماتبي لبنتهاا الحره والمطابن ..
فارس: انا مستعد انفذ أي شي يبونه بس ترجع لي عذبيه ..
مشاري : حياك الله وانا بكلم عذبيه
......
انا . والابتسامه شاقه وجهي لدرجه السعبله : اللي تبونه
امي: لا بشرط واحد
مشاري: وشهوو
امي: ورقة اصايل
انا: ويضيق صدري .. بس سكت
مشاري: تعوذي من بليس يمه
امي: بصراخ: ولا كلمه قلت لك ورقة اصايل
مشاري: سكت وطلع لفارس وقال له اللي صار..
فارس: خير وبركه
مشاري: شلون يعني
فارس: ورقة اصايل بكره عندكم اصلن هي صاير لها اسبوع طموح عند اهلها
مشاري: والله ماودي اخرب بيتك بس اللي تشوفه
فارس.. باي باي
ويركض فارس للمحكمه طلق اصايل مني وعقد علي مني .. ؟
.........................
فارس .. ماسك ايدي : خوشي برقلك اليمين ..
انا : لحظه وقمت اسوي بيديني حركه يعني اكل عشان اعرف اليمين : ايي يالله
فارس:ههههههههههههههههههههه حياك الله في البيت انورت واسفرت
انا: يابعيدي والله
عزيز.. ويقحص قدامي .. اوووووووووووووووى عاشو عاشوو
واجي انا معااه نتقاوم اجل يقحص وانا هناا
فارس: ههههههههههههههههههههههههههههههه بس خبلت بحرمتي .. يالله مع السلامه
عزيز: وين
فارس: عندي شغل مع هناتي
انا: أي والله وش تبي بهناتي الخاصه
عزيز: جعلكم ماتهنون اجل اجلس بروحي
فارس: ياعمي فك بس انا صابر على فرقى الغاليه 6 شهور وماصدقت ترجع انقلع بس
انا: خله يجي معاناا
عزيز: ايي والله اني أليف
فارس: لا وش يجي طيب خلاص مرنا بكرى
انا .. وبغباء : المشكله ماه فلسطين
عزيز: اجل شنو
انا: المشكله لبنان راحت وراهاا
فارس.. ويجرني مع شوشتي : انا من اليوم مقدرك امشي بس ..
الصبح .. قمت وانا شاقه الحلق .. اتثاوب إلا فارس مبنطح جنبي .. الله ياحول الحياة حلوه
ورحت لبست لي شال لاني كنت لابسه علاق .. صرت ما استحي على وجهي ..
وانا جالسه على التواليت .. افرك أيدي بفازلين ...
فارس. حياتي الساعه كم
انا.. واطالع ادي اللي مافيها ساعه : لساعه الله يسلمك مثل امس هالحزه
فارس...ههههههههههههههههههههههههه لا عاد صج
انا: وربي اني صادقه انا الساعه ارقام متتاليه
فارس: يؤؤؤ فاصله علي ليوم كم الساعه
انا: لف راسك وشوف الساعه
فارس: ويلف راسه .. قولي الساعه 11 ليش هالعباله
انا: مولابسه ساعه
فارس: طيب مو شفتيها
انا. واتفشل : اي والله بس غباء
فارس.. ويقوم يحذف الفراش << وينفض نفضتي المعتاده
انا:ههههههههههههههههههههههه
فارس.. شفتي انك مهبله فيني
انا: واطق الصدر: افا عليك
فارس: حبي ابي فطور
....................................
بندر : لحظه لحظه يمه عيدي من اول
انا: وش اعيد
بندر:طافني مقطع يوم يتزوج عليك
انا: ياااااااااااااو بعيد المسافه بعدين الله يقلعك خربت ابو اللقطه الرومانسيه علي..
جوهره: يمه خليه يولي كملي وش صار بعدين
انا: ياحبكم للسوالف
عهد اختي: عيال عذبيه وش تهقين من وراهم ..
فارس .. يصيح : عذابي عذابي
انا: يالبــــــيه
فارس: تعالي طلعي لي ملابسي
انا: وش تبي اطلع
فارس: ملابس العسكريه
سعود .. ويشهق : بابا بيروح الشرطه
ويركض لبووه فووق عند غرفة النوم ..
سعود: بابا بابا
فارس... يلف عليه ويشيله فوق وكان عمر سعود 3 سنوات . حبيب بابا وجلس يبوسه حيل
سعود: بروح معاك السجن
فارس: لا بعدين ياخذونك الحراميه ويصر ماعندي سعود بطه..
سعود : لا لا انت بطل تطقهم انت اصلن عند مسدس صح
فارس: أي عندي مسداسات واجد
سعود... خخخخخخ وابو سيف ماعنده مسدس عنده مسطره<< يقصد انه مهندس الخبل ولد عذبيه ماعليه شرهه
فارس:هههههههههههههههههههه ياحليل ولدي شماته عبيط على منو
انا .. وادخل : عليك طبعاا
وكنت عند الكبت اطلع الملابس .. جاء وحظني .. ماذكرفي احد كثر عباطه منك
انا.. أنا عبيطه
جوهره : أي عبيطه حتى كنتي تسمين بابا القرعه البراقعه
انا: واغمز لها .. هش هش بنت عيب
فارس: وشو قرعه < ويتخصر
عهد بنتي : أي أم جالسه تسولف قصه حياتها من اليوم
فارس: أأهااا وش قلتي لهم يا أم حياة انتي
انا: والله بس سولفت شوي
فارس: طيب سولفي لي
انا: لما تجي من الدوام بسولف لك
بندر: يبه لا يطوفك ياهي قصه تفقع البطن ان والله ماعاد لينا بطن ..
فارس: عارف امكم وسوالفهاا يالله ورعنا استعداد
ووقفوا كلهم بصف عسكري..
فارس .. لليمين در وللباب انقلعوا
وقاموا يمشون وانا معاهم ..
مسكني فارس بيدي .. وقفل الباب .: انتي لا مو معهم ..
...............
عهد اختي : عهد بنت اخي تعالي
عهد بنتي: نعم يخاله نعم ادوختيني
عهد: يانعبوا ذا الفره اللحين مفروض تستانسن اني بندبك وانتي ماسكتهاا علي نعم نعم يلعن ابو الادب اللي عليك
عهد اختي : وتغني : اروح يمين مش عاقبك اقي شمال مش عاقبك اعمل ايه اشق هدومي
عهد اختي : لا وع من زين هالعصاقيل اللي تبي تطلع
عهد بنتي : طيب خاله خاله كملي انتي القصه
عهد اختي: لا مافي نفس امك وهي تسولف
انا: بندرر بندددر جعلك تعرس وتجيب عشر افتح الباب ..
بندر: زين يا طويله العمر
انا: هههههههههههههههه ولدي تقمص الدور
بندر: يماااا الداشرات جوو
انا: هههههههههههههههه حياهم الله
دخلت جوزه ومعاها بنتهاا .. ومحيله حامل .. ونوير.(مملكه لاهلحين ماتزوجت) ومريم توها عروس وخزنه معهاا 3 بنت وولدين واماا وضحه .. تنطر النصيب ..
جلسنا كلنا حب وشاهي وصفصف وخبال ورقاله ونتذكر ايام قبل ..
جوهره : داشرات لو تدرون امي وش تسولف من اليوم عنكم
محيله: ياكثر هرج امكم
جوزه: وش كانت تقول
خزنه.. وتحذف ورعهاا بنعل : متعب انتثبر جعلك للثبار
انا: يحول خليه يستانس ..
مريم .. ماسكه لها زويه وتكلم رجلها بالجو الرومانسي البديع .. يعني نعل تصق بوجهها ورع يصيح يبي امه بنات يتهاوشن كل وحده تقول ثوبي ازين عيال يلعبن بلاي ستيشن وحريم يهرجن وصياح وضحك ..؟..
جوهره: امي كانت تقول لنا قصة حياتهاا
نوير: الله والحياة وش كانت تقول
عهد بنتي: سولف عن خبالكم وعبطكم وشلون تعرفت عليكم يعني من هالسوالف
وضحه: لا امك اكيد ماقالت لكم كل السوالف
انا: هش اسكتي لا تفضحيني هلحين يروحون يقولون لبوهم
جوزه: سولفتي لهم عن خبالنا يوم رحنا للمخيم
انا:هههههههههههههههههههههههههه لاماقلت ذكرتيني الله يقلعكم ..
عهد: أي يمه تكفين قولي
جوهره: أي يماا
انا: صرت لكم دادا حبابه انشالله يابنتي ..
يالله صلو على النبي ..
الكل: ألف الصلاة والسلام على النبي
انا: زور ابن الزرزو اللي عمره ماذبح ولا شهد زور ذبح بقه وترس سابعه جدور
الكل: يؤؤؤؤؤؤؤؤ خلصي
انا: زعلت ماعاد انا قايله
الكل: لالالالالالالالالالالالالالالالالالالالالالالا
انا: اجل خلاص انطروني في القصه الجديده اليوم قلت لكم قصتي ومره ثانيه اقول لكم قصة شلة الداشرات
جوهره: يووه يمه ومتى تقولينها طيب
انا: ان يسر لي ربي وفضيت جيت وقلتها لكم
عهد بنتي : يعني ننطر
انا: هههههه أي انطري ..
وجلسوا الداشرت كلهم يتذكرون سوالف قبل وعلومهم وكل وحده تتحسر على ايام قبل .. وعلى براءه ايام قبل وعلى جمعتنا ومحبتنا وفزعتنا لبعض..؟..
انا .. واشيل عبيهم واعطي كل وحده عباتها .. يالله ماقصرت فيكم كل وحده تاخذ عييلها وتذلف ابونا يبي يجي ..
جوزه: يووه خلينا نقعد شوي
عهد بنتي: ياربي وش تبون عشاء وعشيناكم وقهوه وقهويناكم وش تبون
محيله: ونوم نبي نام وياكم
الكل:خخخخخخخخخخخخخخخخخخخخ
اقل من ساعه الا كل وحده طاسه بيتهاا ..
فارس.. وتوه داخل بيده كيس حلاو : يالله ياحبايبي جايب لكم معاي حلاو
الورعان: هياا هياا هياا
بندر .. ومسوي فيه رجال : شكرا يبه انا رجال عط حصتي لسعود اخوي
فارس: بعدي ولدي رجال
سعود: بس مو تجيني شوي تقول ابي حلاو
بندر.. ويغمز لخوه . يعني لاتفضحني..
انا وفارس.ههههههههههههههههههههههههههههه
انا: وين حلاوي
فارس: مو تقولين بتسوين رجيم
انا: ترى ان سويت رجيم بتلوع كبدك النفسيه بتصر زفت والروح الفكاهيه غسل ايدك
فارس: الله واكبر كل هذا عشان رجيم
انا: تعرف شلون المدخن لما يقطع التدخين انا بصير أللعن منه
فارس. ويتروع : لا خلاص ماعاد نبي رجيم .. تفضلي كيس الحلاو
انا: واكل منه : تعودها مره ثانيه اسوي رجيم
عهد: بابا بابا
فارس: عيون بابا
انا: واقلد صوتها . بابا بابا مره كبر الحمار ولا هلحين بابا قولي يبه يبه
فارس.. يابنت علامك بتعقدينها خلها تقول بابا هذي بكري تسوي اللي تبيه كيفها هذي عهودتي
انا.. واتسند على كتفه وهو جالس وراي رافع رجل منزل رجل : اطلع منها لا هلحين اتطارح معك<<< خخخخ دوم اغلبه
فارس: لا خلاص يابنت ترى اخاف منك
سعود: بابا انت شرطي انت تخرع ماما وتوديبها السجن
فارس: اي سجن هذا يقبل بأمك امك تروع السجون كلها
الكل: هههههههههههههههههههههههههههههههههههههههههههه
بندر.. الا يبه صحيح امي اليوم قالت لنا عن سوالف خالي بمعسكر الصمود وانت وش سوالفك معاه
فارس.. ويتذكر: الله واكبر ايااااام راحت من يصدق ان تخرجنا من المعسكر اووف ياهي سوالف ياهي مواقف صارت لنا هناك
انا.. وأتليقف .. قول لهم سالفت العقاب
فارس: اي واحد
انا: الخنفس
فارس: هههههههههههههههههههههههههههههههه
انا: قول
فارس: هذا الله يسلمكم ..
مدربنا عاقب دفعتنا كلهاا بسبت ان بعضم رامين صخر وباطين راس الضابط ولا واحد فينا علم على خوييه عشان كذا عاقبوناا . كان المدرب ياطويلين العمر يبي يجننا راح صاح بوجهي قال جيب لي خنفس ذكر .. ولا اخليك تدك الميدان 10 مرات .. وحنا هناك من يبي الميدان .. امري له ورحت دورت خنفس لين جبته له
انا: سيدي خنفس ذكر
المدرب: شدراك انه ذكر
انا.. من رزة صدره
الفصيل كله:هههههههههههههههههههههههههههههههههههههههههههه
المدرب.. من الضحك راح وماعاقيني..
راح هالضابط المقرود لخالك مشاري يبي يجننه مدرى ان مشاري يجنن بلد ..
الضابط: روح غازل الشبه (عامود الاناره)
مشاري.. نعم
الضابط : روح غازلهاا
مشاري: على امرك
وراح يمشي مشاري وهو فارد اييدنه ولا عربجي .. وقوف قدامها ..
مشاري: انتي يالشبه ياحلوه ياقمر انتي عطينا وجهه
انت ياقميل ردي عليناا
وش هالنور اللي طالع منك
ولا نور القمر بعيد الاضحى .. ياحلو انت يطويل
الفصيل .. كلهم ميتين ضحك
مادرينا ألا وجاينا خالكم يركض ووقف بين الصفوف
المدرب: ليش رجعت
مشاري: سمعت عندها خرفشه يمكن واحد من اهلها
الكل:ههههههههههههههههههههههههههههههههههههههههههه
طبعا ان ورعاني متنا ضحك انا قعدت ارفس وماني قادره اتنفس ..
انا: فارس يما بولد بووووووووووووولد ههههههههههههههه
فارس: توك ياخبله مادخلتي 8
انا:ههههههههههههههههههههههه الله يقلعك ضحكتني
فارس: يالله شباب نسبق ماما لفوق ..
الكل: ايــــــــــــــــــــه
انا.. ووقف بسبقهم بروح انام ولا فوج يركضون فوق .. وانا اخرهم ..
انا: انطروني انطروني
الكل: يغنون .. الاخير ام العيال الاخير ام العيال ..
..~.. النــــــــــــــــــهـــــــــــــــــايه
وشكرا لكل من قرأ الرواية و استمتع معنا بها لكم خالص الشكر والعرفان
