عهد: أأأأأأأأأأأأأأأ مبرووووووووووووووووووووووووك
اما عذاري انصدمت.. صدموها بتريله ..؟..
تقرر الزواج عقب اسبوعين ويالله باللله قدرت اخلص شغلي واجهازي للعرس
قبل العرس بيوم مسوين لي البنات حفله وداع العزوبيه
لعبنا فيها وأكلنا فيها واستخفينا فيها حتى اني لبست شماغ اخوي على وجهي وماسكه زنوبه بيدي وشغلوا لي انشوده
وقمت ادخل عليها وانا اوزع بوسات على البنات يعنني عروس منهبله وهو بالفعل منهبله
** هلا ياللي تمنيك نصيبي .. هلا يافرحي وسعدي وطيبي ...
هلا يانصفي الثاني هلا بك .. هلا باللي اناديه بحبيبي ..
جمعنا ربنا العالم بحالي .. جمعنا الخيرودعوات الاهالي ..
وانا والله يابو العيالي ... شكرت الله بأنك لي نصيبي..
انا كملت نصف ديني يا حبي ..لقيت اللي يماشيني بدربي ...
لقيت الطيب وأخلاص وتفاني ..لقيت اللي غدى دائي وطبيي..
عليم الله يا اجمل واطهر واشرف حب يحيبي ويكبر..
لانك في وجودي شي اكبر .. من اني اخذ انفاسي وريقي..
أأأأأأأأأأأه ليتني وقفت فرحتي عند هذا اليوم اللي كان اسعد يوم في حياتي ..كنت فرحانه ان خلاص بكرى بيرتبط اسمي باسم فارس اللي كنت احلم فيه على مدار 456 يوم منذ اول يوم عرفته فيه او شفته فيه .. وسبحان الله ربي حقق لي مناي .. بس الحمدلله الخيره فيما اختاره الله ..؟..
يوم العرس..
الساعه 8 مساء توني راجعه من الصالون بسوبرنا الازرق ومعاي شلتي الداشرات
وكنا مسوين حفله بسيطه في البيت .. انا رفضت ادخل الصاله لاني حيويه حيل << ماودها تقول امهاا عيت لا تدخلني الصاله بحكم انه عيب اللي يبي يشوفني يجي يسلم علي بالبيت وبعدهاا
يروح للعرس
عاد وربي انه عين الصواب كنت مرتاحه حيل نفسيتي شوي متعدله ماكنت متوتره حيل بعكس لو داخله الصاله صحيح انها ربع ساعه بس بكون متخصبقه ومو على بعضي . ومتوتره .. بعكس البيت ماكان موجود غير خوياتي وجاراتنا وبنات عمي وجماعتناا .. وكانو يرقصون على راحتهم ومبسوطين وانا كنت مرتاحه إلى ان جت الساعه 10 يوم قالوا المعرس بياخذ عروسه ..
يــالله اتهون كل ماجاني .. تحسن الخاتمه وتزيين النيه
اذكر يوم خواتي وقفوني يبون يلبسوني الرداء قمت اتشهد ..
انا: اشهد ان لا أله الا الله حي على الصلاه
عهد: علامك علامك
انا: وبديت ابكي : عهد مابي مابي بقعد عندك
عهد: يامي طسي اصلن اليوم بستحل سريرك بشبكه مع سريري واصير نفرين
انا: ايا الخسيه كنتي مخططه عليه من سنين
عهد: هههههههه هش هش المعرس وصل
دخل فارس ومعاه ابوه بس وربي ماذكر من هذيك اللحظه شي فجأه انا بزعاج مدري شلون إلا انا جالسه على سرير وفارس يسكر باب الغرفه وراه .. بعدها استوعب انا وين ..؟..
انا: وقامت تسكر اسناني في بعض من الخوف ..
فارس.. ولا حتى طالعني قط بشته ودخل الحمام ..
فارس.. قلت لهلك يسون لك جنطه وعانيها بالكبت اذا بغيتي تبدلين ملابسك
انا: اجل حنا وين
فارس: رافع حاجب : تستعبطين
انا: وببراءه : اعرفك عشان استعبط عليك
فارس: ويخزني حييييييييييل .. وبعدها .. حنا بفندق.. ودخل الحمام يتروش ..؟..
انا قمت واجر ثوبي وراي .. وفتحت الشنطه واطالع إلا في قميص نوم لم اراه من قبل انا ما اشتري هالنوعيه من القمصان .. شفاف حيييييييل ...
انا: يانعنبو ذا الزول عهيد حاطه هالقميص يعنني اغراء مالت على الكشره أولن لامن زين جسمي يوم أطلع كرشي ولا من بياضي الناصع ابج ركبي سود يما الفقر
ماكنت ادري ان بعلي العزيز طالع من الحمام من بدري وشافني من اول مطلعت القميص
فارس.. بخبث : هذا شنوو
انا: اطالعه بخجل .. شويه خرق نظف فيهم لغرفه
فارس: هههههههههههههههههههههه
انا: يقولون النظافه من الايماان ..
فارس: لا باين النظافه اجل الركب سود
انا: وابقق عيوني @@
فارس: انا برقد تصبحين على خير .. وخ خ خ خ خ خ خ
انا: لالا بس كذا وين العشااء اللي يقولون عنه وين الكلام العذب وين الرومانسيه ابكم هذا طلع ألعن مني بالرومانسيه مالت على الوجهه .. رحت بدلت ملابسي فصخت كليلي حق العرس وكانت تحته سروالي الطويل الابيض .. يعني كشخه مع الوجهه هالسروال ما استغنى عنه
لبست قميص حرير طويل وفيه فتحات من الجوانب وكمومه شيفون وعليه قصه من الصدر وورده بيضه ومثلهاا حطيتها بشعري بعد مافتحت التسريحه واللي خلت شعري كيرلي من تحت لفيته على صوب والورده ورى اذني ورحت خمدت جنب الادمي ..؟.. وطبعا مع السرول الطويل .. وصيه الوالده : إلا السروال يابنيتي
.........................
الصبح ..<< ماقلت اشعه الشمس (عللو ) لنعدام الرومنسيه
فارس: عذبيه عذبيه قومي
انا: هاااااااااااااااه عهد اطلعي برى لا ألعن مترسك
فارس: يمه هذي بتهبدني من اولهاا عذبييه قومي
انا: وامسك المخد واحذفها على فارس << كل هذا وانا نايمه
فارس: أللعين ابو ذا الوجهه
يمسك المخده ويغفصها بوجهي .. قووووووووومي
انا: أأأأأأأأأأأأأ اختنقت
فارس : ليه ماتقومين
انا: أأأه << اتثاوب .. صبااااااااااح الخير
فارس: قولي مساء الخير الساعه اللحين 3 العصر
انا: اووووووووووووف قول واللله
فارس: ألعب معاك
انا.. وابحلق فيه .. هااااااه
فارس: قومي بدلي واكلي لك لقمه
انا: انشالله ياطويل العمر
فارس: ههههههههههههههههههههههههههههههه طيب قومي
انا: وانتفض نفضتي المعتاده : اصبحنا واصبح الملك لله
فارس.. كان يشرب حليب .. وشرق من الضحك ..
رحت تسبحت وبدلت ملابسي ولبست دراعه نعومه من تفصال اختي عنود وطلعنا من الفندق ورحنا للمطار وسافرناا لمكه لمدة اسبوع وعقبها رجعنا ديارنا سالمين غانمين
تونى وصلنا بيتنا
فارس .. ينزل من السياره وانا جالسه بالسياره .. حضرتي انطره يفتح لي الباب اميره مو عذيب اللي اهلها يرقدونها بطراق ويقومنوهاا بطراق .. على ان فارسوه رومنسي وهلحين بيفتح لي الباب .. وادعي بالسياره يارب يفتح يارب يفتح لي
لان اختي عنود قالت اذا فتح الباب يعني يحبك واذا مافتحه يعني مايبك ..
فارس واقف عند باب بيتهم : هــــــــيه انتي ترى وصلنا الباب
انا : واطالعه بشمئزاز : انتـــــــــي ؟؟
قلت انزل بكرامتي مع هالوجهه مايقدر خرب علي هاللحظه اللي كنت بورثها لبنت بنت بنت بنت بنت بنتي مو كافي عليه ليلة عرسي اللي حتى ماقال لي مبرووك ..
انزل ورجلي كانت نايمه ووقفت عند باب السياره وانا بنص وقفه رجلتي خانتي هذيك اللحظه ..
فارس.. وماسك الضحكه : شفيك
انا: بحياء .. رجلي
فارس: شفيهاا
انا: تشكي الحال << وهذي معناها مخدره وكانت هذي شفره بيني انا وعهد لان اذا قلت لخواني ان رجلي نايمه والله مايرحموني انواع الترفس فيها يحبون لعذاب خخخخخخ
فارس: هههههههههههه طيب ويجي يمسك يدي برومانسيه .. ويمشيني معاه داخل البيت
وانا امشي .. تقول عجوز مضيعه عصاتها وتنطر احد ترتكز عليه .. فارس بحركه لعانه رفس رجلي يبي يصحيها .
انا وبنفعال : أأأأأأأأأأأأأأأأأأأأأأأي يعور
فارس.. بغى يهفني راشدي.. تصارخين علي
لولا تداركت الوضع وخشيت وجهي ورى ظهره .. كان هلحين يخرعون وجهي الورعان اللي مايفرشون أسنانهم
فارس.. ويترك ايدي : انا بسبقك ..
دخلنا البيت وكاااااان هدووووء
انا: هـــــيه ياهل البيت
فارس. ههههههههه اعقلي اعقلي البيت مافي احد
انا: وينهم
فارس: ابوي تعرفنيه مايجلس في البيت ومرت ابوي بيتها بالركن الثاني ومافي احد هنا عايش غيري انا واخوي عزيز
انا: وتدمع عيوني .. يابعيدي والله
فارس: يطالع فني ..امشي لشقتنا فوق
انا: امش مورانا شي
انا امشي وشايله شنطة فارس وشنطتي << يقال لكم عروس الاخت ..
انا: فارس ..
فارس: هلااا
انا: انا اعرف العرايس اول سنه رياجيلهم يشولون اغراضهم وانا من اول يوم وانا اشيل شنطتك
فارس: عشان تعرفين اني حمش
انا: ابك انت وش حاط بشنطتك وربي ثقيله
فارس: اقول خففي من الشحووم وشيلتي وانتي ساكته
انا: باقي درب
فارس: باقي أي والله
انا: نذرن علي ان وصلت لشقه اني للولش
فارس: هههههههههههههههه نشووف
واول ماوصلنا للشقه وانا اللي احذف الشناط .. كولووووووووووش
فارس: ابج اسكتي فضحتينا
انا: يختك ماصدقت اوصل تعبت وربي طلعت لي عضلات حتى ناظر
فارس: انا بعرف ماخذ واحد من الربع خلك انثى اول شهر تكفين انا طالبك
انا: والله احاول قدم طلبك واراجعه انا مع نفسي ونشوف متى تنزل الانوثه
فارس: وهو يجلس على الكنبه : انا بعرف الدلاخه اللي فيك وراثه ولا مكتسبه
انا: اجل ماقلت لك عن قصه مشواري ويا الدلاخه
فارس.. ويبتسم : لالالا ماقلتي
انا:يقطعني أي والله اسمع ياطويل العمر
فارس: والله على طويل العمر هذي بغتر صج
انا: يحق لك
فارس.. ويرجع شعره على ورى : ليه << ماقلت لكم ان رجالي نبت شعره وطلع حرير
انا: اني زوجتك
فارس.. ويحذف الكوشيه علي: اخص يالغرور طيب كملي سالفتك
انا : هذا الله يسلمك كان يازمان ولا مدري زمان ياكان .. وجلست افكر وانا حاطه ايدي على ذقني
فارس: هههههههههههههه أأه اللعن ابو الغباء اللي بعدوا كملي\
انا: ياربي طيب شفيك مستعجل تقول سودانيه اللي تشحد بمكه
فارس: انا سودانيه يا صوماليه ..
انا: انا صوماليه يا عصمااان
فارس: ويبطها ضحك وقام يحط ايده على فمه وهو ميت ضحك : ههههههههههههه
انا: أي اسمع لا تصير مليغ
فارس: اوووه والله تعرفين تكلمين حضري
انا: حدك ناقد علي اعرف حضري حتى اني اكل كنافه
فارس": هههههههههههههه شكو شكو بعرف
انا: والله مدري جت جذي
فارس: ههههههههههههههه وربي اخت مشاري صج
انا: وش فيه مشاري طاح من عينك
فارس: لا عليكم خفة دم وعباطه مهي عند احد غيركم
انا: أي لازم تعرف عيال غزاي مطبوع بظهورنا ختم الدجه العالمي
فارس.. طيب كملي هرجتك
انا: صحيح تحب السوالف ماني مكمله وخل كبدك تفرك هنياا ولا عندك احد ..
فارس: اصلن انا اللي مابي اسمعك
انا: من الحرره ودك تعرف << اطلع لسني له
فارس: ياخذ هاللسان
انا: ومسويه فيها زعلانه : بالله هذا حال معرس تقول لي ياخذ اللسان خلاص انتهيناا
واقوم مسويه فيها تعال راضيني .. وكنت انطر يمسك ايدي ويجلسني ويسمعني احلى قصايد الغزل
بس ابن الحلال ماصدق اني رحت عنه إلا يمسك الريموت ويقلب على القنواات ...
انا: وجلست ارتب ملابسي بالكبت واغني:
<< جعل عذيب تهنى يوم ربي عطاها .. واخذت واحدن كل العرب يمدحونه
فارس.. داخل الغرفه : هههههههههههههههههههه وربي خبله خبله ياناس
انا.. ولفيت وجهي عنه مدري شكل ابو الكرامه نزل علي : الخبال منتشر بكل مكان
فارس .. ويلوي ذراعي ورى ظهري .. شقصدك
انا: اييييي اللعن ابو شكلك فارس يعور خل ايدي
فارس: ماهد لين تقولين اسفه عمي فارس
انا: أأأأأأأأأأأأأأي أفسه فارس
فارس: وين عمي
انا: اللله يرحمـــــــه
فارس: ترك ايدي وهو يضحك .. وراح لكبته .. يبدل ملابسه وهو معطيني ظهره ويردد
جعل عذبيه تهنى يوم ربي عطاها .. واخذ واحد كل العرب يمدحونه
انا: كنت واقفه . واسوي حركه اني بخنقه على هالغرور ..
فارس: لف علي وابتسم وغمازاته شاقه وجهه غمز لي وضحك : شفتك ..
انا:انفتح حلقي على الاخر وجهي صار هو ولون سروال جدتي واحد وقلبي قاااام يرف
مدري شلي ذكرني بأغنية جدتي اللي ترددها دايمن ومو حفظه منها غير بيت
؛؛ملــي قبي بالهوى رافي ..ملي قلبي بالهوى رافي؛؛
الجزء السادس ..
بعد زواجنا بفتره
فارس.. يأشر قدام وجهي وانا سرحانه : هيه هيه بنت
انا: واقوم : يمه شتبي
فارس: سرحانه بمنو
انا: واضحك بخبث : مو بحد
فارس.. تصاعد الدخان من نافوخه تذكرون دخان امي هالله هالله زيه بس على احلى: منو
انا: ياربي وش دخلك
فارس: حمار عندك انا وش وش دخلك انا زوجك
انا: صحيح الله يبشرك بالجنه
فارس: بلا خبال ضحكنا واجد هالمره جد سرحانه بمنو
انا: وامسكه مع ذقنه وبحركه خفيفه شلت ايدي وبست ايدي : فيك يالغالي
فارس.. ومسوي انه مايبي يضحك : كنت حاس اصلن انتي محد معبرك غيري اكيد بتفكرين فيني ..
انا: يانعبوا ذا الزول زين ماكنت افكر فيك كنت افكر في واحدين << يعني جمع واحد
فارس: عادي فكري بغيري اصلن انا المفروض مافكر اغار عليك
انا: ليه يهودي تشرب خمر
فارس .. ويسوي نفسه سكران : هع هع هع هع ايييي
انا: ياااااااااااااااااااااااااااااااااو وامسك المخده : وانا اطقه فيه
فارس.. أللعن ابو شكلك وربي طقت رجال مومره
انا.. وانفخ صدري .. عشان ماتفكر مره ثانيه انك تغثني .. واطق على صدري افا عليك تربيه ملحه
فارس..ويعض على ايده مسوي خايف .. طيب خلاص لاتدفين
انا.. وارفع ايدي : نيهاهاهاهاهاهاهاهاهاااي
فارس.. ويركض .. واااااااااي امبيه يمااا يمااا
انا: واوقف يانعبوا من حطك بس هاللحين هذا شكل ضابط خايف من حرمتك
فارس: لحظه عفوا انتي حرمه
انا.. وانجرح جرح كايد بس قلبتها فكاهييه : ماتشوف شعري طويل
فارس: هههههههههههههههههههههههههههههه ولف يبدل ملابسه يلبس دشداشه
وغتره وعقال
وانا جلست على حافة السرير وجامعه اديني في بعض ومنزله راسي في الارض ومكشره ..
صحيح انا حرمه والله اللي يشوفني يحسبني رجال ..
فارس.. وكان يطالعني من المرايه وهو يسوي غترته : عذبيه عذبيه
انا: ورفعت راسي وباين علي حزن : لبيه
فارس.. جلس يتأمل وجهيي وبعدها ابتسم : لا بس ممكن تسوين قهوه وشاي بيجوني رياجيل
انا. وامسح وجههي : ابشــرك بعزك
فارس: بعدي والله بنت غزاي بعدي هذا العشم فيك
انا: وأطلع عضلاتي .. ازهلها وانا بنت غزاي بس نادني وانا عند وجهك
وقصدت ..
** حنا ذوي غزاي لا صار مشكل .. ناقف ذرى للريح لينه يتعداك
وقت الحروب مانكل غير مشكل ..ومانخاوي غير هل الطيب شرواك**
(للمعلوميه .. مشكل لاوله : معناهاا مشاكل بس بلغة الهنود
والثانيه .. صمون مشكل اللي عباره عن فلافل وبادنقان )
فارس. ههههههههههههههههههههههههههههههه
انا: يالله توصي شي
فارس.. وبدى يغني انا بكرى مسافر
انا: اخص يا فارس الماجد
فارس. لا احسن راشد الفارس
انا: والله فيه شبهه
فارس.. ويبي يلحقني بيضربني لكني نحشت ونزلت للدور السفلي اسوي له قهوه ..
انا بالمبطخ واغني : انا وياك يام شامه ..
عزيز: احم احم ياهل البيت
انا: حياك حياك مافي احد
عزيز.. يدخل وبعدها صد عني : تغطي ياحرمه
انا: وكنت لابسه ملفع وطلعت له : ياحليلك بلغت مشالله من متى
عزيز: لا لاهلحين بس اجرب المرجله شلونها
انا: أي على بالي ابك تعال مامن اجناب غيري انا وربعي
عزيز: أي ربع لا تقولين انا من اول ماشفتك قلت بنت الحلال ماهي طبيعيه اكيد مخاويه
انا: بس لاتعلم فارس
عزيز.. ويبي ينحاش : فااااااااااااااارس ألحقني .. ويسوي نفسه مخنوق
فارس.. يدخل علينا : شفيه هالزلمه
انا: واسوي نفسي ابكي : مدري عنه يقول انتي مخاويه تصدق
فارس: ومسكني مع اديني: ألعن ابو شكلك مخاويه من وراي
انا: ماكنت بحطك بالهموقف المحرج بس بكل افس أيي
فارس: ويرجع على ورى : لا لا لا اخر شي كنت اتوقعه منك
عزيز: أكشن وقف ياحمار كم مره اقول لك في تعبير اكثر
فارس: ماعجبك دوري
انا: والله انكم مهبل
فارس وعزيز: ماخذينه منك
انا: يهب ماكذبكم ماصار لي اسبوعين من اعرست
فارس:المهم عجلي علي الرياجيل وصلو
انا:ابشر ياطويل العمر
فارس .. يسوي نفسه نمر العدوان : وضحه ياقلبي لاتفضحيني بين العربان
انا: حاظر ياعين ابوي
فارس وعزيز: هههههههههههههههههههههههههههههههههههههههاي
عزيز: والله يا عذبيه اني اقولها صادق احس ماصار للبيت طعم إلا من جيتي
انا: ايه انا ملح
عزيز: لا يعني البيت من غير حرمه ولا شي
انا: ومرت ابوك وينها
عزيز: بقسمها لا تجينا ولا نجيهاا . يقولون ابعد عن الشر وغني له
انا: انا اشهد يالله دوك الدلال وروح ودها للرياجيل انا ودي اروح اسير على اهلي
عزيز: ويضيق صدره : لازم تروحين
انا: أي والله منذو مبطي عنهم ورى ماترح معي
عزيز: لا انا طالع بس متى تجين
انا: متى ماطابت نفسي
عزيز: يالله توصين شي
انا: لا بس صمونين فلافل وبيبسي
عزيز: اقلبي وجهك زين
انا: والله اخو فارس صج ماتعرف تجامل ...؟...
.................
توني داخله بيت اهلي للي ماتعبت وانا اجيهم طلعت من باب ودخلت باب على طول
انا .. اصيح : انـــــــــــــــا جـــــيت
ناصر: يا هنيك
انا: ناصر اخوي ياكيف حالك ترى
عهد.. اختي الحبيبه لقد اتيي ..
وانا اركض لها ولا لقطه فلم لاسي الكلبه يوم تشوف معزبها من بعيد ..
عهد: عذااااابي
انا: عهدي
ونتحاضن اللي يشوفنا مو كني عندهم الصبح اغسل الحوش خخخخخخخ
امي: عذااب تعالي افرشي لجدتك فرشه
انا: يمه مالك غيري تراي اعرست رجالي مايحب احد يندبني غيره
امي.. وتمسك وجهي.. رجالك ماهو دايم الدوم لك اخلصي عليناا ..
انا: واروح افرش لجدتي الفرشه ..
جدتي: ابك اعذبيه صلحي لي قهوه
انا: واجلس جنبهاا : جده يقولون البعير يشرب يشرب من هالماء لين كبده تطق ولما يروح للصحراء وماعنده ماء يقولون انه يطلع المااء من سنامه وكنه شرب الماء من جديد فا ياجده انتي كم صارك تزرطين من القهوه صيري اطيب من هالبعير وطلعي القهوه من سنامك
ماوعيت .. إلا وتصك الفنجال في وجهي اللي طيح سني وصرت مشوهه مع دريشه في أعلى سنوني..
المراد وانا اللي اطقها لكم زعل لا عاد احد يكلمني .. واخذ قشي واطلع من بيتنا واروح لبيتي ..؟..
فارس .. عذبيــــــــــــــه عذااب
انا: هاااه هاااااه ابك جوزه بنت جارنا درت انك تناديني
فارس.. ومعصب : وينك فيه
انا: واتميلح عنده .. كنت عند اهلي
مدري انا زدت على هالكلمه شي اللي خلاه يفوور وزين ما لعن مترسي المترس
فارس: كم مره قلت لك لا تطلعين من البيت
انا.. ورحت عنده ودخلت الحمام اتوظى .. وهو يرفس بالحمام .. ويسب ويلعن فيني
طلعت من الحمام .. وانا ابتسم في وجهه .. وهو حده معصب
رحت .. فرشت سجادتي .. وقمت اصلي
وهو من القهر ماعاد يقدر يسب فيني طلع وهو معصب
هذي الحركه اسويهاا لا الغالي عصب علي .. ومن أصلي ابن الحلال يطلع من الغرفه .. وعلى مايجيني مره ثانيه إلا هو مروق وانتفاهم معه على رواقه .. شفتوا اني فطينه
.....
نزلت تحت جلست بالمجلس ولا عزيز ولا فارس في البيت رحت رتب البيت وجلست اناظر بالتفزيون ..
المهم ويوم تجي الساعه 12 قلت اقوم اصلي لي كم ركعه ابرك من مقابل هاليس الاربد
وانا يالربع ..
لاجيت بصلي اخر الليل يعني بقوم الليل .. تجيني حاله ياربي دخيلك ما اصلي إلا وانا مولعه جنبي مبخر بخور .. واخليه يدخن وانا اصلي .. ولا بعد أطفي ألليت ..؟..
( تحضر ربعها الاخت )
المراد واقوم ألبس مصلاي الاخضر واحط اديرمه في عيوني واكحل ثناياي .. بتزين لربي عشان اخشع بالصلاه ..
واقوم اصلي ..
......
عزيز مطلع راسه من الباب ويطالعني وهو خايف .. يعض على اصابعه
فارس.. توه ادخل البيت : عزيز شفيك
عزيز: بصوت يرجف : حرمتك تحضر ربعهاا
فارس: هااه ..
ويطلع راسه من الباب مع عزيز ويطالوني بخوف ويرجفون .. انا لما سلمت شفتهم يطالعوني يرجفون .. عرفت شفيهم قلت خلني اكملهاا عليهم ..
واروح ألف راسي يمين وشمال واهز جسمي .. ألله حي ألله حي
واصيح : دستووووووور
فارس وعزيز: أأأأأأأأأأأأأأأأأأأأأأأأأأأأأأأأأأأأأأأأأأ
انا: ماقدرت اكمل وطحت على الارض ميته ضحك : ههههههههههههههههههههه
فارس.. ووقف : وش هالمصخره اللي مسويتهاا
انا: ابد اصلي لربي فيها شي
عزيز: الله ياخذك مرجتي قلبي جعلك للمراج
انا: تهباا أي والله
فارس: يالله تعالي فوق
عزيز: ليه اقعدوا وراكم
فارس: انا وحرمي وش تبي
انا: أي والله وش دخلك بهناتنا الخاصه
عزيز: اخص يالهناات الخاصه عليناا
انا.. واتمخطر : عجبتك هنااتنا شرايك فيني وانا اقولهاا
عزيز:والله ولا ابو عذاب
انا: عند وجهك ازهلها
فارس: وربي انك ابو عذاب اقول امشي بس قدامي
انا: بو ملووح تبي شي مني قبل ما اروح لهناتي
عزيز: لا بس ودي انك اتهنين عدل
انا: لا ابشرولا يهمك الهنات هنات
فارس..ويسحبني مع شوشتي لان كنت طاقتها سوالف مع عزيز الخبل ..
فارس.. ويجلس على الكنبه : حطي لي عشااء
انا: ماتعشيت برى
فارس: لالالا سوي لي عشااء
انا : وش تبي
فارس: أي شي
انا: قمت اغني : من عيوني كل ماتامر علي غير قلبي وش تبي مني وجاك
فارس: ابي مقفااك ..
انا: يانعبوا الرومانسيه اللي عليك
فارس: لا انا رومنسي بس حق الناس اللي يستاهلون
انا: واتخصر : وانا ما استاهل
فارس: طالعني من فوق لي تحت بنظره ازدراء وبعدها لف راسه : حطي لي عشاء
انا: وروح للمطبخ وماهتميت له فارس كذا دايم يحب يجرحني .. بس انا تعودت عليه وانا اصل عندي مناعه ضد التجريح ..؟..
عقب ماسويت له العشاء حطيته له ..
فارس.. يمسك الخبز .. يووه حميه
انا: هااااااه
فارس. حمـــــيه
انا: انت متأكد
فارس: مستغرب : أي متأكد فيها شي اذا حمتيه انا احبه محمى
انا: وطالعه بستغراب .. ناس اذواق
فارس.. يطالع مستغرب .. خبله ولا صاحيه
انا: لا كيفك انت وذوقك محد غاصبك ولا يهمك احميله لك
ورحت اطلع الخبز هذا من صدقه احميه وجبت لي طاسه وحطيت فيه ماء وقمت اغمس الخبز بالمااء واطلعه واحطه بصحن وهو يرطش مااء << فاهمه غلط الاختت
انا: وامد الصحن : تفضل
فارس: هذا وشو ليه كذا
انا: انت طلبت كذا
فارس: انا قلت لك غسليه
انا: ايه قلت حميه يعني سبحيه
فارس.. ويحذف الملعقه .. هههههههههه مدري اضحك مدري ابكي شسوي فيك يا دجه حميه يعني سخنيه
انا: كان قلت لي سخنيه
فارس: وتلوع كبده : شيلي العشااء ماعاد ابي شي
انا: وليه تعشى ياولد مو زيت تنام جوعان
فارس.. وبصراخ : شــــيليه
انا.. وارجف .. حاظر حاااظر
رحت شلته وغسلت المواعين . وبعدها رحت جلست عند فارس .. وهو يطالعني بشمئزاز
انا شكيت بنفسي لايكون فيني شي غلط .. قمت اناظر بنفسي : والله اني كاشخه لابسه دراعه بيت ورديه وعليها ورود بيضه واخيرا لبست كم قصير << ترى يعني عند رجلي يعني اغراء مع هالوجهه ماتعرف للقمصان .. ومشطه شعري اخيرا صرت احب المشط ومجدلته جدله طويله ومطلعه لي قذله ولابسه سروال طويل ابيض مالبست هالمره سروال خارق للعاده .. وش فيه يطالعني مكشر ..
انا .. وشاقه الابتسامه : احم احم احرجتني يا بعيدي
فارس.. وهو مكشر : ليه طيب
انا: يعني تطالع فيني وانا استحي لما احد يخزني
فارس.. اطالع فيك اشوف انا ظالمك ولا هو صحيح
انا: وببتسامه : ظالمني بشنو
فارس.. ورافع حاجبه : وين سنك
انا: يؤؤؤ ماقلت لك وش صار معي في بيت اهلي جدتي هفتني بفنجالها لما قلت لها طلعي القهوه من سنامك والله وينكسر سني ..
فارس: ههههههههههههههههههههههههههههههههههههههه
انا: الله يازينك وانت تبتسم يوخيتك لاتكشر
فارس.. ويتنهد : ودي يا عذبيه بسس وربي مو بيدي وش اسوي
انا: اسم الله عليك جعلها فيني ولا فيك
فارس .. يطالعني : تحـــــــبيني يا عذبيه
انا.. ويقمط وجههي .. واموت فيك بعد ان ماحبيت رجالي احب منو
توقعته بيفرح لجوابي .. لكن شفته غمض عيونه حيل وسند راسه للكنبه : أأه بس
انا .. سلامتك يابعدهم
فارس.. ويقوم وراح للغرفه ينااام ... رحت انا وراه عقب ماطفي التلفزيون شلت المواعين وغسلتهاا ..
.......................
بعد مده من زواجناا
انا.. فارس جعلك تجيب عشر ورعان يالله عجل علينا بروح السوق
فارس: طيب طيب علامك مستعجله ..
انا: الان تأخرت وماشريت ثوب عرس عهد يالله ياولد ..
فارس.. وهو ينسف الشماغ.. كاني جاي يالله ..
والله ونروح السوق ويوم دخلنا السوق وانا اللي يضيق صدري من البنات اللي ماطاحت عيونهم عن فارس .. وهو مستانس حده ..؟..
انا: جعلهن لقص الارقاب اللي مايخافن ربهن ..
فارس.. معصب .. ليه دعين عليهم
انا: وليه يخزن بالرجال وجنبه مرته
فارس.. يابنت جمالي نعمه وخلي العرب يتمتعن فيه
انا: يانعبوا ذا الزول جمال وما جمال رجال انت عيب عليك هالسوالف قبل لا قاسو فعول الرياجيل قاسوها بالكرم بالطيب والنخوه مو بجمال الرجال ..
فارس.. يبتسم .. طيب اخلصي علي وراي شغل
دخلت المحل وهو واقف برى ومعاه اكياس .. وانا عينى عليه ..
كانت في بنت واقفه برى المحل قريب عند فارس .. وتتكلم بالتلفون بدلع .. مدري ليه طرت على بالي عذاري وانا اللي تحوم كبدي .. وكانت البنت صج طلقه مزيوونه بنت اللذينا امنو .. حتى فارس عينه ماطاحت من عليها.. وهي حسبي عليها 7 تحاسيب .. مستانسه ..
أأأأه بس ليت الجمال ينشرى واكبر بعين فارس ..؟.. اللي احس وربي زواجه مني فضل كبير علي يعني رجال مثل جماله وطيبه ومنصبه وغناءه ياخذ وحده لا هي مزيونه ولا ثريه ولا جسمها حلو مغيردهون متراكمه ودلخه.. يعني نحمد الله جت على مانتمنى ياااااااو
انا طلعت من المحل .. فارس ..
فارس .. ويأشر بيده يعني انقلعي .. برى برى
انا: فارس وجعل عيونك للبط .. غض البصر
فارس.. خلصتي انتي بس
انا: ايه امش خلنا نطلع
فارس : ويعطيني الاكياس : يالله مشيناا
وانا امشي وراه تقول حماليه بنقاليه .. لين ركبنا السياره .. وانا طاقتها زعل ..
انا: يعني ماتحشمني اني معك تغازل قدامي
فارس.. يطالعني بكبر : ليش تغارين
انا: ليه ماني مره ماعندي احساس
فارس: ضحك ضحكه تعجب : اصلن انا مسموح لي اطالع الحريم
انا: وليه يختك وش فيك زود عن الرياجيل
فارس: لاني محروووووم
انا: والله وانا اختك قبل لا تاخذني عارف شكلي لا تقعد تسوي نفسك مسكين
فارس.. ومن قال لك اني كنت ابيك
انا.. انصدمت .. نعــــــــــــم
فارس: لا تجلسين تغترين علي ترى انا مغصوب عليك واللي اختارتك مرت ابوي ماتبيك تطلعين احسن من مرت اخوي خالد الكبير لانها بنت اختهاا ...
انا.. جلست أطالع فارس بنصدام وربي وربي تمنيت يصير فينا حادث واموت وجلست ساكته مصدومه انا اشوف الرجال ولاكنه معرس وكل ماشفني منقرف اثره مايدانيني..
انا: طيب شمصبرك علي
فارس.. يطالع فيني .. كاسره خاطري
انا: وسكت .. منت مجبور على عشان خاطرك اذا ماتبيني طلقني ولاتنجبر على شي والله لو ادري انك مجبور علي كان ماوافقت عليك لاني ماني من النوع اللي يبني سعادته على تعاسة غيره
فارس.. طالعني بذهوول .. عذبييه انا ماكنت اقصد
انا: واشر له .. تكفا فكنا من هالسيره ..
ونزلت من السياره ورحت لشقتنا ..؟..
نزلت عباتي ورحت للمطبخ اسوي له عشااء .. دخل فارس وجلس على التلفزيون ..
انا.. واصبر نفسي .. ليه استعجل واسبق الاحداث يمكن في يوم من الايام يحبني .
أي انشالله يحبني .. اجل ارجع لامي مطلقه والله لتعلقني بالمروحه هي ماصدقت فرقاي مو كافي عليهاا عنود .. اللي تصبحها بكلمه وتمسيها بكلمه .. لين خلت عنود فيها نفسيه من رجالهاا .. لا انشالله بجلس عنده لو يذلني .. مافيني على جبروت امي ..
اخذت العشااء ورحت له وقلت له وانا شايله الصينيه : حاسبك علىايدك لا تاكلها وراهاا
فارس .. بنص ابتسامه : ههههه طيب ورينا شطارتك
انا: تفزل اكل مطرح مايسري يمري ..
فارس: تسلمين ..
وجلس ياكل وانا اتأمله بحسره بس كنت مبتسمه ..
فارس.. متى عرس عهد صحيح
انا: وكني تذكرت شي : يؤؤؤ ذكرتني الله يذكرك بالشهاده
فارس: وشو
انا: عهد طالبه مني اجيب لها أغراض لان الصالونه عندها وتلقاهاا هلحين تنطرني
رحت مسكت التلفون ..
عهد: هالوو
انا: مرحبا عهيد
عهد: جعلك ماتربحين وين اغراضي كذا زين الصالونه راحت
انا: واوخر السماعه اللي فجرني صوتها : حبه حبه علي
عهد: حبه اللي تصير في علباك هلحين وش اسوي يمال
انا.. يعني صايده الحركه : الجهاز مغلق او خارج منطقه التغطيه يرجى الاتصال بوقتن اخر
عهد.. تبطها ضحك ..خخخخخخخخخخخخخخ
اما.. فارس .. غص في لقمته وقام يرفس .. انا والله يوم شفته يضحك ان الدنيا ضحكت لي يا زينك بس الله لا يخلاني منك ولا يخلاك مني ..
انا: يالله باي باي
عهد: ابج لحظه لحظه
انا: ابك المشترك ادنااه لم يدفع الفواتير وعليه مبلغ قدره 120 دينار على من يجده ان يتقدم للاتصالات وله جايزه قيمتها 300 دينار
عهد: ههههههههه يمال الدجه يوم انه عليك 120 ليه مايخصمونها من الجايزه
فارس: هههههههههههههههههههههههههه بطني
انا: ابج باي رجالي يطلق
عهد:ههههههههههههههههههههههههههه
انا: اسكر التلفوون .. علامك
فارس: ههههههههههههههههههههههههههههههه بطني بينفجر
انا.. وامسك بطنه : واد انشالله وااد
فارس..هههههههههههههههههه بس بس تكفين
انا: خلاص بسكت
وجلست مكتفه ايدي واطالع فارس وهو من يشوفني يضحك ..
فارس: لا تناظريني ..
انا: وليه
فارس: ان شفتك اضحك
انا: يحول وش اسوي اتبرقع
فارس:ههههههههههههههههههههه مدري
انا: يحول طيب خلصت بلعه اشيل الاغراض ..
فارس.. ايي الحمدلله
انا.. واتميلح : طيب مافي ينطيك العافيه
فارس.. ويرفسني برجله: اقول انقلعي بس ههههههه
انا: والله ماتستاهل اسوي لك شي لو اني مخليتك ميت جوع
فارس: ماتقدرين
انا: وليه طيب
فارس: لانك ماتقاومين تشوفيني جوعان
انا: أي والله ماحب احد يجوع
فارس: تبينا نصير نفسك بطه
انا: على الاقل بطه مبين علي نعمه مو أسلقه تقول مجوعينها أهلها
فارس:ههههههههههههههههههههههههههههههههه
+++++++++++++++++++++++++++++
الجزء السابع
بعد مرور 5 شهور على زواجنا وانا كل مالي ازيد خبال ورقاله ..؟..
فارس .. يابنت وين البخور
انا: ابشر بسعدك
فارس: أي بخريني
انا: والله تقل معرس
فارس:ههههههههههههههههه انشالله
انا: واهبده ...لا انشالله
فارس.. شلون شكلي
انا: اسمله عليك .. واوقف على الكرسي .. وابخره : بسم الله ابخرك من عيون تحسدك
فارس: ههههههههههههههه طيب يالله تبين شي
انا: ابيك سالم
فارس يطلع هو وعمي واخوه خالد مدري وين رايحين مسيرين مدري كاشتين
بس غريبه اليوم لاهو جمعه ولا عيد ولاهو شي وراه متكشخن على سنقة عشره..
والله وألبس عباتي واروح بيت اهلي
انا: يمه عهد ماجت اليوم
امي: لا بتسافر مع رجالهاا
انا: ماشالله وين
امي: بيروحون باريس اجل تبينها نفسك ماسافرتي غير مكه وجيتي معوده هذي اختك صار لها متزوجه شهرين وماشالله راحت ماليزيا وباريس واسبانيا ..
انا: وبحسره .. وش اسوي اجبر الرجال اني اسافر
امي: هو يوم يسافر ليش مايخذك معه
انا: يقول مع ربعه وين اروح احشره وبعدين تعرفين ماحب العنقريز ..
امي: والله من خبالك
انا : وبضيق : ماجت الخدامه
امي: لا ماجت ليه بتنحشينها نفس سواتك قبل انتي وعهد
انا:ههههههههههههههههههههههههههههههه ذكرتيني يمه باللي مضى
امي: والله ان الحره لاهلحين بكبدي ..
هههههههههههههه اه ياقلبي تذكرت السالفه وربي ان انا وعهد دلخات تحسين انا مو صاحيات والله لو اقول لكم السالفه لاتموتون ضحك ..
هذا الله يسلمكم ابو عذاري جاب لها خدامه بالبيت تشتغل عندنا المراد الخدامه المسكينه اول مره تشتغل يعني جديده بقراطيسهاا .. ويوم تشوف بيتنا ويوم تشوف عددنا ويوم تشوف مطالبنا وهي اللي تطق كبدها وتجلس تفرك وامي الله يهديها بعد عصبيه حيل حتى مع الخدم .. ياما قلت لها الدين معامله .. ومع اني مااثني كلمني الا واراشدي جايني يعدي
المهم ..
وتقوم الخدامه وتلم ملابسهاا وتبي تهج ماعاد لها جلسه في بيتنا اصلن انا كنت ناويتها قبلها اهج لولا جاء فارس وخطبني .. المراد وهي اللي تطلع من المطبخ إلا وانا في وجهها وعهد معي
انا: زبيده وين رووح
زبيده: ماما عزبيه انا مسكينه انا في موت هنا الله يخلي مايبي يشتعل هناا
عهد: وتبكي وتضمهاا: والله ماتنلامين
انا: واحظنهم كلهم : بس لا تبكوي
زبيده: الله يخلي ماما خليني اروح
انا: عشان قدرتيني واناعمره محد قدرني وقلتي ماما الله يسمع منك بنحشك
واقوم انا وعهد نلبس عبينا ونمسك شنطتها ونطلع برى البيت لين وصلناها راس العاير << تسمع فيها بس ماتدري شنو ونودعهاا .. ونصيح عليها : هجي هجي بسرعه
وحنا راجعين البيت إلا امي بوجيهناا ..
امي: وينكم فيه
انا: اأأه رحنننننا نقط زباله
امي: زباله بالهصبح
وتمسك عهد من شوشتها إلي بطت لها السالفه كلها وطبعا ما يحتاج اقول لكم عن الحب والحنان اللي اخذناه من امي على فعلنا الطيب والنشمي اللي ترتعش له الابداان ..؟..
خخخخخخخخخخخخخخخخخخ والله علينا مواقف انا وعهد قبل ياكثرهاا ..
المراد تنرجع للقصه ..
انا: يمه اترخص تبين شي
امي: لا مابي مع السلامه
انا: واحب راسها : يالله ماتشوفون شر
واروح بيتنا وتوني داخله إلا اسمع مرت ابو فارس تلووووووووولش في مجلسناا
انا. مستغربه : شعندهاا في المجلس خبري ماتطبه
انا.. دخلت إلا اشوف عمي واقف ومعاه خالد حماي وفارس شاق الابتسامه ..
انا: مشالله وليه الملولش
مرت ابو فارس: سمعت خبر يفرح يحر قلوب بعض الناس
انا.. في براءه : الله يدم الفرح عليك وعليناا
عزيز .. كان يطالعني وحده منكسر وكان وده يبكي بس ماسكها كنه يقول ماتدرين ليه مستانسه
انا قلبي نغزني من شفت السلطعون في الصاله بس
ربنــــــــــــــــا يستر
رحت فوق وقمت أرتب البيت .. فارس دخل على ورمى شماغه على السرير ..
انا: يحول ماتعرف تعلقه بلمعلاق ..
فارس: وليش وانتي عندي
انا: واضربه من كتفه : تتدلع علي
فارس:هههههههه أي تعالي جايب لك هديه
انا: وانط على السرير اللي خلى فارس ينط بعد من قوة النطه: أي بطلي الكيس
ان: وافتح الكيس : اول مره يجيب لي فارس هديه
انا .أأأأأأأأأأأأأأأأأأأ اللــــــــــــــــــه تلفووووووون
وقمت حبيت راس فارس وايده : الله لا يحرمني منك
فارس: ههههههههههه ولا منك بعد
انا: لحظه لحظه بتصل على عهد اختي ..؟..
عهد: نعم << العرس يخلي الواحد ذرب ..
انا: السلام عليكم الطقاقه أم سيف
عهد: أي من معي
انا: والله نبيك تغنين في عرسناا
عهد: وشلون تبيني واقفه ولا جالسه ترى كله بسعره
انا: والله نبيك منسدحه كم يطلع
فارس:ههههههههههههههههههههههههههههه
عهد: هههههه هذ من رقمه يادجه
انا: رقمي
عهد: ونااااااااااااسه اخيرا عرفنا نحصلك
انا: يالله ظفي وجهك بكلم البنات
عهد: طيب
انا.. وكنت بتصل على شلتي .. لكن فارس مسك التلفون مني ..
فارس: ابي اكلمك
انا: هلا امر ياعين ابوي
فارس.. ماسألتـي ليش مرت ابوي تلولش
انا: ماهمتني
فارس: لايهمك
انا: ليه وشو
فارس: عذبيه انا ملكت اليوم
انا: ومنصدمه وبعدها .. هههههههههههههههه الله يخسك لابغيت تنكت
فارس.. بجد: مو جالس انكت جالس اقول لك الصحيح انا اليوم ملكت على بنت عمي
انا: ولــــــــــــــــــــــيش
فارس: من غير ليش ربي سامح لي باربع ومايضر لا تزوجت
انا.. وعيوني تغورقت : انا قصرت عليك بشي
فارس: لا والله ضليمتك شينه انك ساترتني وقايمه بواجبي وازود ولا اضن احصل نفسك بس انتي ماتبيني اروح للحرام والحلال مسموح
انا: وليه تروح للحرام وانا عندك انا وش ناقصني يا فارس
فارس: والله مو ناقصك شي بس انا ابي اتزوج ابي احس
انا: تحس بشنو
فارس: ابي احس اني اخترت شريكتي مو احد جبرني عليهاا وابي بعد وحده رشيقه
انا: بس يا فارس انت تحرق قلبي وابشر باللي تصير رشيقه
فارس: انتي مو فاهمتني وانا وربي راح اعدل معاكم ولا راح ازود عليها بشي عنك
انا.. وبديت ابكي من القهر .. اول مره فارس يشوفني من تزوجت ابكي كذا بالعاده يا اضحك يامنهبله.. طلع من الغرفه ..
رحت لبست عباتي ورحت لامي وانا حدي ابكي
...
امي.. ياويلي علامك فارس فيه شي
انا.. واهز راسي : لالالا
امي: علامك انطقي
انا: يما فارس تزوج علي
امي: وتقر جيبهاا : يااااااااااااااااااااااااااااااو يافضيحتك ياملحه
وقامت تهبد فيني .. وليه يالقرمه اخذ عليك وش انتي بمقرصه عليه فيه
انا: وربي اني شايلته بعيونه وربي ماقصرت بس الرجال تزوج
امي: تزوج وانتي توك ماصار لك 5 شهور
انا: وقمت ألطم : وش السوات يمه وش السواات
مشاري .. يدخل . علامكم تقل عراقيات تلطمن
امي: خويك اللي مايستحي ..
مشاري: فارس شفيه
امي: تزوج على اختك
مشاري: بعدي رجال رجاال سواها ابوبندر سواهاا
امي: وتهفه بجريه خلته يفقد الذاكره ..
.................يتبع..........
