واحده عربيه اتصلت بابو العربى وقالت له:
- هون اير فرانس؟
فرد ابو العربى : لا والله .. هون اير ابو العربى.
**********
ابو العربى بيأجرالشاليه بتاعه لواحد عمده فقال له :
شوف ياوالدى الشاليه بتاعى ع البحر عدل ، يعنى تبقى قاعد فى التراسينه وتدلدل رجليك فى الميه .
صرخت مراة العمدة : لآ ياعمدة ..اخاف العيال يغرقوا .
فصرخ فيها ابو العربى. ايه يا وليه ..هوالبحر فين واحنا فين.
**********
ابو العربى قاعد زعلان ع القهوة صاحبه قال له :مالك يابو العربى؟
اتنين سوابق طلعو لى فى البحيرة ومعاهم سيوف وقالو لى :
حاجة م الاتنين يا نغتصبك يا نقتلك؟
صاحبه قال بدهشه وقلق : وبعدين ..حصل ايه؟
ابو العربى قال له : قتلونى
**********
ابو العربى ع القهوة قاعد يحكى عن بطولاته فى الجيش
لما قابل ديب فمسكه وخنقه وجاب فروته البيت عملها مشاية ومرة تانيه قابل اسد فخلع اسنانه وضوافره وركبه لغاية بورسعيد
اصحابه قالو له : يابو العربى .. ارحمنا بقى م المزع ده .
ابو العربى ما قدرش يسكت فحكى برضه حكاية عن نمر طلع له فى المينا وفضل يجرى وراه .. وسكت ابو العربى فقالو له اصحابه : وبعدين يابو العربى عملت ايه ؟
ابو العربى قال لهم : كلنى عشان ما تزعلوش!
واحد نحات دخل بيته شاف 3تماثيل جنب بعض فسال مراته:
ايه دول ؟
قالت له دول التماثيل بتوعك
* انا عامل تمثال واحد بس .
- لا تلاته.
صاحبنا طلع المسدس وضرب طلقه فى الهوا .. التلاته جروا .
من الشاعر ماهر حسن
************************
واحد وقعت منه حباية فياجرا ،شافها الديك قام بلعها
طبعا الفراخ فى العشة هربوا ،فراح الديك خبط على صاحبه،
قال له عايز ايه ياديك؟
- عايز الفراخ اللى فى التلاجه
من الشاعر ماهر حسن
****************************
واحد قاعد ع القهوة بيصرخ ويقول :
آه يادولة معرصة.
ظابط معدى سمعه ،نده له وساله:
- مين ياله الدولة دى ؟
* انا اقصد ايطاليا يا باشا
الضابط هبده بالقلم وقاله بفخر :
فيه دولة معرصة الا احنا يا كلب.
من الكاتب يحيى سرحان
************
اتنين بيشربوا فى البار ، واحد سكر جدا فقال لصاحبه :
انا با شك ان مراتى بتخوننى مع واحد كبابجى.
صاحبه قال له :ليه شفت حاجه؟
_يااخى ارجع البيت القى ع السرير بقدونس.
التانى خد كاس واتنهد وقال :
انا برضه باشك ان مراتى بتخوننى مع مكوجى .
صاحبه قال له : ليه شفت حاجه؟
قال له :ارجع البيت الاقى ع السرير .. مكوجى .
واحد كل يوم يسكر للصبح ، امراته حبت تقعده فى البيت فعملت له
بار ، صاحبنا فرح جدا وقعد يشرب طول الليل ،بعد كده قام فتح الباب ..
مراته صرخت :رايح فين ؟
قال لها:انا مروًح.
*************
اتنين بيشربوا فى البار واحد سال التانى الاخ منين ؟
قال له :
-انا من الدقى
* يااهلا محسوبك برضه من الدقى .
منين فى الدقى ؟
- من شارع ابو العز فيلا خمسة
* غريبة انا برضه من شارع ابو العز فيلا خمسة
انت بتستعبط يا روح امك .
الاتنين قاموا دوروا الضرب فى بعض ،الزباين طلبوا من صاحب البار يتدخل ،قال لهم :
سيبوهم دول اب وابنه كل يوم ييجوا يعملوا الفيلم ده.
هونجـا
اتنين رؤساء عرب وقعوا بالطيارة بتاعتهم فى احراش افريقيا ، هجمت عليهم قبيلة الجوع الكافر وطبعا ربطوهم بالحبال ،
شيخ القبيلة سال الاولانى :هونجا ولا تموت؟
قال له :يعنى ايه هونجا؟
- يعنى القبيلة تغتصب فخامتك !
- قال له خليها هونجا.. وطبعا قامت القبيلة كلها بالواجب، وجاء دور الرئيس التانى فكررشيخ القبيلةعليه السؤال :
- هونجا ولاتموت ؟
- لا اموت احسن
فالتفت الشيخ وامر للقبيلة:
- هونجا حتى الموت
*********************
يعنى ايه ؟
سالوا 3 عرب ، واحد خليجى والتانى سودانى والثالث مصرى سؤال هو :
- ايه رايك فى اكل اللحمة ؟
قال الخليجى : يعنى ايه راى؟
ورد السودانى: يعنى ايه اكل؟
اما المصرى فقال : يعنى ايه لحمة؟
*****************************
*****************************
ساهموا معنا فى فك التكشيرة
